Promouter Fyurining Mahmudovga qarshi jangga qiziqish bildirayotganini tasdiqladi

O'tgan yili Buyuk Britaniyada Devid Allenga qarshi jangda muvaffaqiyatli ishtirok etgan 36 yoshli rossiyalik superog'ir vazn toifasi vakili Arslanbek Mahmudov haqiqatan ham Tayson Fyuri jamoasi tomonidan raqib sifatida ko'rilmoqda.

Yaqinda 37 yoshli Fyuri bu yil ringga qaytishi va Entoni Joshua, Fabio Uordli yoki Deniel Dyubuaga qarshi kutilayotgan katta janglar oldidan katta ehtimol bilan "razminka" jangini o'tkazishini rasman tasdiqladi.

"Buning manosi bor, - dedi Uorren Box Nation nashriga bergan intervyusida Mahmudovga qarshi jang haqida. - Tayson juda aqlli yigit. U nimani xohlashini va bunga qanday erishishni biladi. Tabiiyki, biz raqiblarni muhokama qilamiz, lekin u ahmoq emas. U nima qilishi kerakligini biladi. Mahmudov bilan jang o'tkazishimiz mumkin.

Britaniyaning talkSPORT sport radiostanciyasi boshlovchisi Spenser Oliverning fikricha, baland bo'yli va kuchli Mahmudov Fyuri uchun munosib raqib hisoblanadi.

"Men ham u yomon raqib emas deb o'ylayman, Arslonbek Mahmudov kuchli yigit. Uning zarbasi og'ir va zalvorli, Tayson Fyuri esa anchadan beri ringga chiqmayapti. Menimcha, bu jangdan qochmaydigan va uni ishlashga majbur qiladigan ideal raqib", - deya takidladi Oliver.