Qanday baxt. Paralimpiada qahramonini ikki viloyat hokimlari qutladi + FOTO

Xabar berganimizdek, para engil atletika bo'yicha erkaklar o'rtasida F35 klassida yadro uloqtirish musobaqasida ishtirok etgan hamyurtimiz Husniddin Norbekov 16.82 metr natija qayd etib, uchinchi bor Paralimpiya o'yinlari g'olibi bo'lgan ilk o'zbekistonlik sportchiga aylangandi.

SHu munosabat bilan bugun Navoiy viloyati hokimi Normat Tursunov chempionning xonadoniga tashrif buyurib, Husniddin Norbekovning onasi hamda yaqinlarini g'alaba bilan tabrikladi.

Avvalroq, Samarqand viloyati hokimi Erkinjon Turdimovning sovg'a-salomlarini Samarqand viloyat hokimi o'rinbosari H.To'xtaev, viloyat sport boshqarmasi boshlig'i SH.Ro'ziev, paralimpiya qo'mitasi viloyat bo'limi boshlig'i A.Yorqulov, Paxtachi tuman hokimi o'rinbosari A.Qo'ldoshev hamda sport murabbiylaridan iborat jamoatchilik vakillari etkazishgan edi.