23 sen 07:22
Yangiliklar

Tadbirlar

Qarshida “Butun jahonda avtomobilsiz kun” munosabati bilan salomatlik tadbiri o'tkazildi + FOTO

Kecha, 22 sentyabr kuni Qarshi shahrida viloyat hokimligi, viloyat jismoniy tarbiya va sport boshqarmasi va viloyat IIB YHXB tashabbusi bilan mutasaddi rahbarlar va aholi ishtirokida piyoda yurish marafoni tashkil etildi.

O'ziga xos tadbir 22 sentyabr – “Butun jahonda avtomobilsiz kun” munosabati bilan Qarshi shahrida joylashgan Alisher Navoiy nomidagi madaniyat va istirohat bog'ida tashkil etildi.

Tadbir “Salomatlik uchun besh ming qadam” akciyasi bilan boshlanib, unda 2 mingga yaqin aholining keng qatlami ishtirok etdi. Jumladan, viloyatdagi korxona, tashkilot, talim muassasalari xodimlari hamda aholining barcha qatlami vakillari sportning ommalashuvi yo'lida ibrat ko'rsatishdi.

SHundan so'ng, keksalar, yoshlar, sportchilar va tashkilot-korxona xodimlari ishtirokida ommaviy badantarbiya mashg'ulotlari o'tkazildi.

Muntazam ravishda piyoda yurish yurak-qon tomir kasalliklari xavfini oldini oladi va tanadagi ortiqcha kaloriyani yo'qotishda yordam beradi.

SHunday ekan, hayotingizning birlamchi muhim omili bo'lgan sog'ligingizga vaqtida etibor qarating va kuningizning malum bir vaqtini oilangiz yoki do'stlaringiz bilan piyoda yurish bilan o'tkazing.