Qarshida dzyudo bo'yicha xalqaro turnir start oldi

Viloyat jismoniy tarbiya va sport boshqarmasi, O'zbekiston dzyudo federaciyasi hamkorligida tashkil etilayotgan mazkur ananaviy xalqaro turnirda Qoraqalpog'iston Respublikasi, Toshkent shahri va barcha viloyatlar, shuningdek, Qozog'iston, Tojikiston, Rossiya davlatlaridan sakkiz yuz nafarga yaqin yosh dzyudochilar 18 ta vazn toifasida g'oliblik uchun tatamiga chiqishyapti.

Musobaqaning birinchi kuni jamoaviy bellashuvlar ham o'tkazilgan. Unda Buxoro viloyati jamoasi birinchi, mezbonlar ikkinchi, Toshkent shahri va Samarqand viloyati jamoalari uchinchi o'rinni band etishgan.

Xalqaro turnir 29 noyabrga qadar davom etadi. Musobaqa g'olib va sovrindorlari viloyat jismoniy tarbiya va sport boshqarmasi hamda viloyat dzyudo federaciyasi tomonidan diplom, medal va esdalik sovg'alari bilan taqdirlanishadi. 

Nurbek SAYNABIEV, Qashqadaryo viloyat jismoniy tarbiya va sport boshqarmasi mutaxassisi

Ilhom RAHMONOV, o'z muxbirimiz