Qarshida “Olimpiya cho'qqilari” musobaqasi bo'lib o'tmoqda + FOTO

Musobaqada respublikamizdagi olimpiya zaxiralari kollejlarida tarbiyalanayotgan, 2004-2005 hamda 2006  yillarda tug'ilgan 140 nafar o'g'il bolalardan iborat yosh dzyudo ustalari ishtirok etishmoqda.

"Olimpiya cho'qqilari"dan joy olgan mazkur chempionatning reglamentiga muvofiq, kecha musobaqaning ilk kuni -42, -46, -50, -55 va -60 kg. vazn toifalarida g'oliblar nomi aniqlandi. 

Unga ko'ra -42 kg. da Hasan Boynazarov (Toshkent v.), -46 kg.da Maqsud Naimov (Jizzax), -50 kg. da Arslonbek Qo'chqorov (Samarqand), -55 kg. da Abdulla Axadullaev (Toshkent sh), -60 kg. Ayitbaev Asadbek (Toshkent v.)lar "Olimpiya cho'qillari" chempioniga aylanishdi. 

Kecha shuningdek, musobaqaning tantanali ochilish marosimi ham tashkil etildi. Mazkur marosimida Qashqadaryo viloyat hokimining yoshlar siyosati, ijtimoiy rivojlantirish va manaviy-marifiy ishlar bo'yicha o'rinbosari Rustam Yuldoshev, viloyat jismoniy tarbiya va sport boshqarmasi boshlig'i Komil Xolmatovlar ishtirok etishdi. 

Malumot uchun, bugun -66, -73, -81, -90 hamda +90 kg. vazn toifalarida kuchlilar saralanadi.

Ilhom RAHMONOV Qarshi shahridan tayyorladi