09 dek 19:37
Yangiliklar

Dzyudo

Qarshida viloyat chempionati o'tkazildi

Qarshi shahrida dzyudo bo'yicha o'smirlar o'rtasida Qashqadaryo viloyati chempionati bo'lib o'tdi.

Ikki kun davom etgan musobaqada viloyatning barcha tuman va shaharlaridan 2005-2006 yillarda tavallud topgan 350 nafardan ziyod yosh dzyudochilar tatamiga chiqdi. Viloyat chempionatiga Bolalar-o'smirlar sport maktabi mezbonlik qildi.

Musobaqada 100 nafardan ziyod qizlarning ishtirok etgani viloyatda ayollar dzyudosiga ham etibor qaratilayotganidan dalolat bermoqda. Viloyat chempionati ushbu yosh toifasidagi terma jamoalar uchun munosib nomzodlarni saralab olish uchun ham xizmat qildi.