20 mar 17:02
Yangiliklar

Dzyudo

Qarshida yangi dzyudo zali foydalanishga topshirildi FOTOREPORTAJ

Qashqadaryo viloyati markazi Qarshi shahridagi "Xo'jaxiyol" MFY hududida dzyudo sport turi uchun mo'ljallangan va yangi qurib bitkazilgan "Dzyudo Arena" majmuasining tantanali ochilish marosimi bo'lib o'tdi.

Tadbirda viloyat hokimligi, jismoniy tarbiya va sport boshqarmasi rahbariyati hamda O'zbekiston dzyudo federaciyasidan vakillar ishtirok etishdi.

Mazkur majmua dzyudo bo'yicha murabbiy Fozil Xolbozorovning 1 mlrd 200 mln so'm shaxsiy mablag'lari evaziga barpo etildi. Sport zalida bir kun davomida 200 nafar yoshlar dzyudo bo'yicha shug'ullanishlari mumkin.

Terma jamoaga nomzod qashqadaryolik dzyudochilar, yaqindagina Qozog'istonning Aktau shahrida o'tkazilgan Osiyo ochiq kubogi sovrindorlari - Farangiz Xolmurodova (-70 kg) va Arslon Tojiev (-81 kg)ga to'n kiydirildi.