Qashqadaryoda “Olimpiya kuni” munosabati bilan sport musobaqalari bo'lib o'tdi

Jumladan, Qarshi shahrida joylashgan markaziy tennis kortida viloyat jismoniy tarbiya va sport boshqarmasi hamda viloyat hokimligi tashabbusi bilan yoshlar o'rtasida tennis musobaqasi shuningdek, Qashqadaryo viloyati sport o'yinlari va engil atletika sport turlariga ixtisoslashtirilgan bolalar va o'smirlar sport maktabida ham bir qancha sport turlari bo'yicha musobaqalar bo'lib o'tdi.

Qizg'in va murosasiz bahslarda g'oliblikni qo'lga kiritgan sportchilar viloyat jismoniy tarbiya va sport boshqarmasi tomonidan diplom hamda qimmatbaho sovg'alar bilan taqdirlanishdi.

Takidlash joiz, o'tkazilgan barcha sport musobaqalari viloyat sanitariya-epidemiologik osoyishtalik markazi hamda viloyat sog'liqni saqlash boshqarmasi nazorati ostida, karantin qoidalariga amal qilgan holda o'tkazildi.