08 fev 08:02
Yangiliklar

Qilichbozlik

Qilichbozlarimizdan ikkinchi kunda ham ikki medal

Bolgariyaning Sofiya shahrida qilichbozlik bo'yicha xalqaro musobaqa yakunlandi.

Sablya yo'nalishida o'tgan bellashuvda ayollar o'rtasida g'olib va sovrindorlar aniqlab olindi.

Quvonarlisi, ushbu kunda ham terma jamoamiz vakillari ikkita medalga sazovor bo'lishdi. Zaynab Dayibekova yarim finalda imkoniyatni boy berib, bronza medaliga sazovor bo'lgan bo'lsa, SHahnoza Tog'aymurodova kumush medal bilan taqdirlandi. Eslatib o'tamiz, kecha yigitlarimizdan SHerzod Mamutov oltin, Pazil Genjebaev bronza medalini qo'lga kiritishgan.

SHu tariqa, jamoamiz musobaqani 1 tadan oltin va kumush, shuningdek, 2 ta bronza medali bilan yakunladi. Endi sportchilarimiz navbatdagi o'quv-mashg'ulot yig'ini va xalqaro musobaqada ishtirok etish uchun Gruziyaga jo'nab ketishadi.