Qilichbozlik. Farg'onada "Olimpiya cho'qqilari" musobaqalari start oldi

O'zbekiston Respublikasi Jismoniy tarbiya va sport vazirligi tasarrufidagi Olimpiya zaxiralari kollejlarining tarbiyalanuvchilari orasidan yosh iqtidor egalarini saralash, ularning mahoratini o'stirish va milliy terma jamoalarga munosib zahira shakllantirishga xizmat qiluvchi "Olimpiya cho'qqilari" O'zbekiston chempionatining qilichbozlik yo'nalishidagi Respublika musobaqalariga Farg'ona shahri mezbonlik qilmoqda.

Takidlash joizki, ushbu nufuzli turnirga, farg'onaliklar alohida ko'tarinki ruh bilan tayyorgarlik ishlarini olib borishdi. Mazkur musobaqa "COVID-19 pandemiyasi davrida hududlarda sport turlagi bo'yicha mashg'ulotlar, musobaqalar hamda o'quv-mashg'ulot yig'inlarini tashkil etish talablariga qatiy rioya etgan holda tashkil etildi.

Bugun mazkur turnir doirasida qilichbozlikning shpaga turi bo'yicha respublikamiz viloyatlari hamda Qoraqalpog'istonlik atletlar shaxsiy birinchilik bahslarida o'zaro kuch sinashdi. O'z navbatida ushbu musobaqada jam bo'lgan yosh qilichbolarimiz mamlakat birinchiligi uchun olib borilgan bahslarda o'zlarining bor sport mahoratlarini namoyon etishdi.

Qizg'in va murosaiz kechgan musobaqalar jarayonida qizlar orasida, ayniqsa Buxoro viloyati hamda o'g'il bolalar orasida Toshkent shahri qilichbozlik maktabi shpagachilari tengsiz ekanliklarini isbotlashdi.

"Olimpiya cho'qqilari" musobaqalarining ilk g'oliblari bilan tanishing.

SHpaga. Qizlar, shaxsiy birinchilik.

1. Xamidova Aziza - Buxoro

2. Karomatova Firuza - Buxoro

3. Kasimova Rada - Toshkent

SHpaga. Yigitlar, shaxsiy birinchilik.

1. Sidikov Muxammad Yusuf - Toshkent

2. G'ofurov SHaxriyor - Toshkent

3. Naimov Sardorbek - Buxoro

O'zbekiston qilichbozlik federaciyasi Matbuot xizmati