Qishki Olimpiadada ishtirok etadigan sportchilarimizni kuzatish marosimi o'tkazildi

Olimpiadada ikki nafar sportchimiz, Misha Ge (figurali uchish) va Komil To'xtaev (tog' chang'isi) bahslarida yurtimiz sharafini himoya qiladi.

Bugun O'zbekiston Milliy olimpiya qo'mitasida Janubiy Koreyada o'tkaziladigan qishki Olimpiya o'yinlarida ishtirok etadigan delegaciyani kuzatish marosimi o'tkazildi.

Ushbu tadbirda O'zbekiston Respublikasi Jismoniy tarbiya va sport davlat qo'mitasi raisi Rustam Qurbonov, O'zbekiston Milliy olimpiya qo'mitasi birinchi vice-prezidenti Oybek Kasimov, MOQ bosh kotibi Jasur Matchanov, Olimpiadada ishtirok etuvchi sportchimiz Komil To'xtaev va uning murabbiylari, OAV vakillari ishtirok etdilar. 

"2018 yil o'zbek sporti uchun omadli boshlandi. Futbolchilarimiz Osiyo chempionligini qo'lga kiritdilar, engil atletikachilarimiz ham Erondagi qita birinchiligida oltin medallarni bizga taqdim etdilar. Ammo, shuni alohida qayd etib o'tishimiz kerakki, qishki olimpiada uchun licenziyalarimiz yildan-yilga kamayib ketmoqda. Endi sportning ushbu yo'nalishiga ham alohida etibor qaratiladi. Sportchilar qo'llab-quvvatlanadi. Mazkur o'yinlarda vakillarimizdan medallar kutib qolamiz. Ularga ham huddi yozgi Olimpiada o'yinlardek mukofot puli vada qilinadi. Yigitlarga omad tilaymiz", - dedi MOQ bosh kotibi Jasur Matchanov. 

SHundan so'ng Olimpiadaning ochilish marosimida Komil To'xtaev O'zbekiston bayroqdori bo'lishi elon qilindi. 

Sportchimiz bundan xursand ekanligini yashira olmadi:

"Bundan judayam xursandman. Menga ushbu o'yinlarga borish uchun sharoit yaratib bergan qishki sport turlari associaciyasiga minnatdorchilik bildiraman. Umid qilamanki, o'zimga bildirilayotgan ishonchi oqlayman", - dedi u. 

Tadbir davomida MOQ birinchi vice-prezidenti ham so'zga chiqib, sportchimizga omad tiladi:

"Mazkur o'yinlarda xar ikkala sportchimizga omad tilab qolaman. Nasib qilsa, keyingi Olimpiadada bundan ham ko'proq sportchi bilan ishtirok etamiz. Ularni Janubiy Koreyadan yorug' yuz bilan qaytishlariga tilakdoshman. O'zbekistonda to'rtta qishki sport turlari bo'yicha to'rtta mustaqil federaciyalar tashkil etilmoqda. Xokkey, figurali uchish, tog' chang'isi va snoubord hamda kyorling federaciyalari o'z ishini boshlagach, qishki sport turlarini rivojlantirish uchun yaxshigina turtki bo'ladi deb o'ylayman", - dedi Oybek Kasimov.

O'zbekiston Respublikasi Jismoniy tarbiya va sport davlat qo'mitasi raisi ham bundan buyon qishki sport turlariga etibor kuchayishini qayd etdi:

"O'zbekistonda qishki sport turlariga yaqin-yaqindan qiziqish kuchaydi. Mana, Toshkent shahrida katta muz saroyi qurilmoqda. Undan tashqari Respublikamizning tog'li xududlarida, shu jumladan, Kitob, Yangiobod, Zomin va Namanganda qishki sport turlari uchun mo'ljallangan baza yaratiladi. SHu bilan birga, qurilgan bazalarda texnik tomonlama faoliyat yuritadigan mutaxassislarni ham tayyorlash bo'yicha ish olib borilmoqda. Janubiy Koreyadagi Olimpiadada, shuningdek, Paralimpiya o'yinlarida ishtirok etadigan sportchilarimizga omad tilayman", - dedi Rustam Qurbonov. 

Qayd etib o'tishimiz lozimki, qishki Olimpiya o'yinlarida sportchilarimizdan tashqari hakamimiz ham ishtirok etadi. Figurali uchish bo'yicha Xalqaro toifadagi hakam Saodat Numanova o'yinlarda hakamlik vazifasini bajaradi. Tadbir davomida hakamimiz ham so'zga chiqib, Olimpiya o'yinlarida ishlash baxti nasib etganligidan xursand ekanligini, o'z navbatida bu katta masuliyat yuklashini takidlab o'tdi.

Malumot uchun, Misha Ge 2017 yil Xelsinki (Finlyandiya)da figurali uchish bo'yicha o'tgan jaxon chempionatida Olimpiya o'yinlariga yo'llanmani qo'lga kiritgan. Komil To'xtaev esa Italiyadagi xalqaro musobaqada Pxyonchxan yo'llanmasini qo'lga kiritgan.

SHuningdek, 8-18 mart kunlari esa Paralimpiya o'yinlari ham o'tkaziladi. Yoqutxon Xolbekova Paralimpiya bahslarida chang'i poygalarida startga chiqadi.