Qizlar o'rtasidagi Billie Jean King kubogi saralashida O'zbekistonga kimlar raqiblik qilishi malum

Avvalroq, 1-13 may kunlari qo'shni Qozog'iston Respublikasining CHimkent shahrida tennis bo'yicha 19 mamlakatning 16 yoshgacha bo'lgan yigit va qizlari mos ravishda Devis Kubogi va Billi Jin King Kubogining Osiyo va Okeaniya guruhi saralash bahslarida ishtirok etishi haqida xabar bergan edik.

Biroz avval Billi Jin King Kubogining Osiyo va Okeaniya mintaqasi so'nggi bosqichida O'zbekiston qizlar termasiga kimlar raqiblik qilishi oydinlashdi. Unga ko'ra, qizlarimiz guruh ko'rinishida o'tadigan saralash bahslarida Avstraliya, Yangi Zelandiya va qirg'izistonlik tennis malikalariga qarshi kortga chiqadi.

Bahslar 8-13 may oralig'ida o'tkaziladi. O'zbekiston qizlar terma jamoasining ushbu bahslarga qay tarkibda yo'l olgani, umuman olganda musobaqada ishtirok etishi haqida O'zbekiston tennis federaciyasi xabar bergani yo'q, shunday ekan, malumotlar uchun Qozog'iston tennis federaciyasi matbuot xizmatiga minnatdorchilik bildiramiz.