22 апр 11:39
Янгиликлар

Теннис

Ўзбекистон ўсмирлар ва қизлар термалари Davis Cup ва Billie Jean King кубоги саралаш баҳсларида иштирок этади

Теннис бўйича Ўзбекистон ўсмирлар ва қизлар терма жамоалари навбатдаги халқаро турнир саралашида қатнашади.

1-13 май кунлари қўшни Қозоғистон Республикасининг Чимкент шаҳрида теннис бўйича 19 мамлакатнинг 16 ёшгача бўлган йигит ва қизлари мос равишда Девис Кубоги ва Билли Жин Кинг Кубогининг Осиё ва Океания гуруҳи саралаш баҳсларида иштирок этади. Эътиборлиси, ушбу 19 мамлакат орасида Ўзбекистон ҳам мавжуд.Бу ҳақда мезбон — Қозоғистон теннис федерацияси хабар бермоқда.

Хабарда айтилишича, 1-6 май куни йигитлар ўртасидаги Девис Кубоги ўйинлари ўтказилса, 8-13 май кунлари қизлар Билли Жин Кинг кубоги доирасида кортга чиқади.

Ўйинлар Чимкент шаҳридаги Билайн Аренада бўлиб ўтади.