Qo'shnilarimizni ortda qoldirdik. Finalda eng ko'p ishtirokchi O'zbekistondan!

Quvonarlisi, O'zbekiston U23 va U19 terma jamoalarining umumiy 27 nafar bokschisi qita birinchiligining hal qiluvchi final jangiga yo'llanma oldi. Asosiy raqobatchimiz Qozog'iston terma jamoasining 22 bokschisi hal qiluvchi final jangiga etib keldi. Hindistonda bu ko'rsatkich 18 nafar bokschini tashkil qilmoqda.  

Osiyo chempionatining U23 va U19 yosh toifalaridagi finalchilari (erkaklar + ayollar):

O'ZBEKISTON — 27 finalchi

Qozog'iston - 22

Hindiston - 18

Yaponiya - 4

Koreya Respublikasi - 2

Qirg'iz Respublikasi - 2

Indoneziya - 2

Tailand - 1

Xitoy Taypeyi - 1

Mo'g'uliston - 1

Ammo U23 yosh toifasidagi finalchilar borasida Qozog'iston terma jamoasi etakchilik qilmoqda. Qo'shnilarimizning 7 nafar bokschisi Osiyo chempionligi uchun ringga ko'tariladi. O'zbekiston term jamoasining esa 6 nafar vakili finalda jang o'tkazadi. Hindistonda 3, Yaponiya va Qirg'iz Respublikasida bu ko'rsatkich 2 nafarni tashkil qilmoqda. 

Bugun qita birinchiligida dam olish kuni. Ertaga U19 va U23 yosh toifasida qizlar Osiyo chempionligi uchun ringga ko'tariladi. Erkaklar o'rtasidagi finallar esa 16 iyul kuni bo'lib o'tadi.