Qozog'istondagi turnirda umumjamoa hisobida birinchi bo'ldik

Ananaviy tarzda o'tkazib kelinayotgan KAPAL BATYR musobaqasi bu yil yubiley - yigirmanchi marotaba tashkil etildi. 2002 yilda tavallud topgan o'smirlar o'rtasidagi xalqaro turnirda mezbonlardan tashqari Rossiya, Tojikiston hamda O'zbekistondan kelgan istedodli dzyudochilar tatamiga chiqishdi. 

Xalqaro musobaqa yakunlariga ko'ra dzyudochilarimiz 6 ta oltin, 4 ta kumush, 1 ta bronza medali bilan umumjamoa hisobida birinchi o'rinni qo'lga kiritishdi. Bugun -55 kg vazn toifasida Bahrom Boturov barcha raqiblarini engib, chempionlik shoxsupasiga ko'tarildi. Bahrom finalda yana bir hamyurtimiz Igor Ipatovni mag'lub etdi. 

Eslatib o'tamiz, kecha Azizjon Ortiqov, Jaloliddin Boltaboev, Javlonbek Xayrullaev, Jahongir Mamatrahimov va Islombek Ravshanqulov o'z vazn toifalarida xalqaro musobaqa g'olibiga aylanishgan edi. 

Barcha g'olib va sovrindor dzyudochilarimiz:

-55 kg vazn toifasi

1. Bahrom Boturov

2. Igor Ipatov 

-60 kg vazn toifasi

1. Azizjon Ortiqov

2. Alimardon Omonov

-66 kg vazn toifasi

1. Jaloliddin Boltaboev

2. Jo'rabek Abdullaev 

-73 kg vazn toifasi

1. Javlonbek Xayrullaev 

3. Sanjar Pardaev  

-81 kg vazn toifasi

1. Jahongir Mamatrahimov 

+81 kg vazn toifasi 

1. Islombek Ravshanqulov 

2. Qahramon Rahmonov