Qozog'istonlik dzyudochilar Mirakida yig'in o'tkazishyapti

O'zbekiston Respublikasi Prezidenti SHavkat Mirziyoev va Qozog'iston Respublikasining Birinchi Prezidenti Nursulton Nazarboev 2017 yilda oliy darajadagi muloqotlar so'nggida 2018 yilda Qozog'istonda O'zbekiston yili va 2019 yilda O'zbekistonda Qozog'iston yilini o'tkazishga kelishib olgan edi. 

Bu xalqlarimiz o'rtasidagi hamkorlik tarixida noyob voqea sifatida qardoshlik munosabatlarini yangi bosqichga olib chiqishda muhim ahamiyat kasb etmoqda. Dastur doirasida barcha sohalarda, xususan sport yo'nalishida ham o'zaro hamkorlik qilinyapti. 

Jumladan, shu kunlarda dzyudo bo'yicha Qozog'iston o'smirlar va yoshlar terma jamoasi azolari Qashqadaryo viloyatining SHahrisabz shahri Miraki qishlog'idagi "Oq suv shamoli" sihatgohida o'quv-mashg'ulot yig'ini o'tkazishmoqda. Ushbu qo'shma yig'inda Qashqadaryo va Samarqand viloyati dzyudochilari ham ishtirok etyapti.