Qozog'istonlik erkin kurashchilar ikki vaznda yo'llanmalar uchun gilamga chiqishadi

Erkin kurash bo'yicha Qozog'iston terma jamoasi bosh murabbiyi Aset Serikbaev licenzion turnirda ishtirok etuvchi ikki kurashchi nomini elon qildi. Mezbonlar 86 va 125 kg vazn toifalarida hali Olimpiada yo'llanmasini qo'lga kiritishmagan.  

"Bizga Tokioga to'liq tarkibda borishimiz uchun ikkita licenziya etmayapti. Kurashchilarimiz 86 va 125 kg vaznda yo'llanmalarni qo'lga kiritish uchun bor imkoniyatlarini ishga solishadi. Biz 86 kg vaznda Qozog'iston chempioni, Osiyo chempionatining ikki karra sovrindori Azamat Dauletbekov hamda 125 kilogrammda amaldagi Osiyo chempioni Yusup Batirmurzaevga ishonch bildirdik. Osiyo chempionatini qatnashadigan tarkibni esa keyinroq elon qilamiz", - dedi Aset Serikbaev. 

Eslatib o'tamiz, Qozog'iston erkin kurash terma jamoasi 2019 yil Nur-Sultan shahrida o'tgan jahon chempionatida 57, 65, 74 va 97 kg vazn toifalarida Tokio Olimpiadasi yo'llanmasini qo'lga kiritgan edi.