15 okt 13:39
Yangiliklar
Boks/MMA
Qozog'istonlik Janibek Alimxanuli Vinchenco Gualterini nokautga uchratib, o'z kamarini himoya qildi va IBF kamarini qo'lga kiritdi
Bugun tongda Rozenberg shahrida (Texas, AQSH) o'rta vazn toifasida WBO chempioni, qozog'istonlik Janibek Alimxanuli va IBF yo'nalishi bo'yicha jahon chempioni, germaniyalik Vinchenco Gualteri jangi bo'lib o'tdi.
Jang oltinchi raundda Alimxanulining texnik nokaut orqali qo'lga kiritgan g'alabasi bilan yakunlandi.
Janibek bu g'alabasi orqali WBO kamarini muvaffaqiyatli himoya qildi va Gualterining IBF chempionlik kamarini ham yutib oldi.
30 yoshli Alimxanuli may oyida Stiven Batlerni ikkinchi raundda nokaut bilan mag'lub etgan edi. Uning hisobida 15 ta g'alaba (o'ntasi nokaut) mavjud, qozog'istonlik bokschi hozirgacha mag'lubiyat nima ekanini bilmay kelmoqda.
Vinchenco Gualteri esa o'zining oxirgi jangini iyul oyida o'tkazib, ochkolar hisobiga ko'ra Eskiva Falkaoni mag'lub etgandi. Uning hisobida 21 g'alaba (7 tasi nokaut bilan) va bitta mag'lubiyat bor.
Havola :
Manba : mma.metaratings.ru
Fikrlar