Qozog'istonlik Olimpiada sovrindoriga qamoq jazosi belgilandi

Pavlodar sudi qozog'istonlik mashhur erkin kurashchi, Olimpiya o'yinlarining bronza medali sovrindori Daulet SHabanbayga hukm chiqardi.

15 dekabr kuni sud sportchini hokimiyat vakillariga nisbatan zo'ravonlik ishlatishda aybdor deb topdi. U uch yilga ozodlikdan mahrum qilinib, jazo muddatini o'rtacha xavfsizlik koloniyasida o'tashga hukm etildi.

Tergov malumotlariga ko'ra, joriy yilning sentyabr oyida Milliy gvardiyaning uch nafar harbiy xizmatchisidan iborat patrul sportchini kechqurun kafe yonida to'xtatgan. Patrul xizmatiga erkak mast bo'lgani, shovqin-suron ko'targani va o'zini tajovuzkor tutgani haqida xabar berilgan.

Suhbat davomida SHabanbay patrul xodimlarini haqorat qilgan va kuch ishlatgan. Ulardan birini itarib yuborib, naryad boshlig'ini tepgan va yana ikki harbiy xizmatchini urgan. SHundan so'ng zo'ravon sportchi qo'lga olingan.

Qizig'i, 120 kg vazn toifasida kurashgan Daulet 2012 yilgi London Olimpiadasini 5-o'rinda yakunlagan. Erkin kurashchi mukofotlarni qayta taqsimlashdan so'ng Olimpiya o'yinlari sovrindorlari qatoriga kirgandi. 2019 yilda doping-sinamalar qayta tekshirilgandan so'ng, gruziyalik kurashchi David Modzmanashvili va Artur Taymazov (O'zbekiston) taqiqlangan moddalardan foydalangani aniqlangandi.

Barcha muhokamalardan so'ng, bu sportchilarni diskvalifikaciya etilib, ularning London Olimpiadasida ko'rsatgan natijalarini bekor qilingandi.

SHu tariqa, Daulet SHabanbay Olimpiada sovrindoriga aylangan va unga oradan 10 yil o'tib, 2022 yilda bronza medali topshirilgandi. Komil Gasemi (Eron) va Bilol Maxov shohsupaning birinchi pog'onasidan joy olgan bo'lsa, amerikalik Tervel Dlagnev qozog'istonlik bilan birga uchinchi o'ringa ko'tarilgandi.