29 okt 10:36
Yangiliklar

Boks/MMA

Qudratillo Abduqahorov ham Toshkentdagi katta boks oqshomida ringga ko'tariladi

Xabaringiz bor, 17 noyabr kuni poytaxtimizdagi "Humo Arena" saroyida katta professional boks kechasi tashkil etiladi.

LIFT promouterlik kompaniyasi tomonidan o'tkazilayotgan prof boks oqshomining yana bir jangi tasdiqlandi. Unga ko'ra, yarim o'rta vazn toifasida sobiq WBC Silver kamari sohibi Qudratillo Abduqahhorov (18-2) tanzaniyalik Nikolas Maykl Mdoe (13-6-2)ga qarshi jang o'tkazadi. Ushbu jang 8 raund etib belgilangan.

Malumot uchun, Qudratillo Abduqahhorov 31 avgust kuni Rossiya Federaciyasining Moskva shahrida tashkil etilgan professional boks oqshomining markaziy jangida mezbon Magomed Madievga qarshi ringga chiqqandi. Sakkiz raund to'liq davom etgan o'sha bahsda hamyurtimiz raqibiga 75:78, 73:79, 73:79 hisobida imkoniyatni boy berib qo'ygan edi.