Qudratillo yaponiyalik bokschi bilan muzokaraga kirishdi

Endi 25 yoshli Abduqahhorov va uning jamoasi boshqa raqib izlashi kerak. Hozirda Qudratilloning menejerlari yaponiyalik 31 yoshli bokschi Keita Obara bilan muzokarani boshlashdi. Abduqahhorov IBF reytingida 4-o'rinni egallab turibdi, Obara esa 6-pog'onadan joy olgan.

Malumot uchun, ushbu jang amalga oshsa, u holda g'olib bokschi yarim o'rta vazn toifasida IBF chempioni Errol Spensga qarshi ringga ko'tarilish huquqini qo'lga kiritadi. Qudratillo Abduqahhorov (15-0, 9 KOs) professional boksdagi faoliyati davomida 15ta jang o'tkazib, ularning barchasida g'alaba qozongan. To'qqizta jangda raqiblarini nokautga uchratgan. 

Obara esa prof boksdagi 12 yillik faoliyati davomida 24ta jang o'tkazgan bo'lib, ularning 20tasida g'alaba qozongan. O'n sakkizta jangda raqiblarini nokautga uchratgan. Uchta jangda mag'lubiyatga uchragan va etiborlisi barchasida nokautni qabul qilib olgan. Bitta jang durang bilan yakunlangan.