Qudratilloning raqibi: Jangning ko'chirilishini chempiondek qabul qildim!

"Jangning ko'chirilishini chempiondek qabul qildim va men 10 oktyabr kuni qilishim kerak bo'lgan ishni 24 oktyabr sanasida ham amalga oshiraveraman. Ruhan juda kuchliman va shu sababli menda muddatning o'zgarishi bilan hech qanday muammo yo'q. Tayyorgarlik ajoyib tarzda ketmoqda va men jangga 100% tayyorman. Men Jo Gussen  bilan ishladim, Ellis Rashidi va Ronald Krus kabi kuchli bokschilar bilan sparringlar o'tkazdim. 

Men hozircha Errol Spens, Menni Pakyao, Denni Garsiya kabi buyuk bokschilar haqida o'ylamayapman. Ularning darajasiga etishim uchun men birinchi o'rinda 24 oktyabr kuni g'alaba qozonishim kerak. Qolgan hammasi esa o'z-o'zidan bo'ladi. Yuqori darajadagi bokschilar men bilan jang qilishga majbur. Hech kim men bilan o'zi xohlagani sabab jang qilmaydi, bunga majbur bo'lishsagina rozi bo'lishadi.

"IBF reytingida yuqorida o'rinda turuvchi biror bokschi bu erga chiroyli ko'zlari uchun kelib qolmagan. Abduqahhorovning havaskor boksda ajoyib karerasi bor, u juda ko'p jang o'tkazgan. Ringda juda tez harakat qiladi. SHu bilan birga kuchli zarbasi bor. Jismoniy holati ham ajoyib. U jangda bularning hammasini ko'rsatadi. Men u bilan masofada jang qilmoqchiman. Men yaxshi jang kutayapman. Menda uning hamma harakatlari uchun rejalar bor, nima qilib bo'lmasin g'alaba qozonaman!", - dedi Lipinec.