13 avg 09:32
Yangiliklar

Tadbirlar

RADOCA bosh direktori Agentlik faoliyati bilan yaqindan tanishdi

O'zbekiston Respublikasi Vazirlar Mahkamasi huzuridagi Milliy antidoping agentligi o'z faoliyatini 2018 yilda boshlagan bo'lib, shu kunga qadar bir qator xalqaro tashkilotlar bilan o'zaro hamkorlik aloqalarini yo'lga qo'ygan.

Jumladan, Markaziy Osiyo mintaqaviy antidoping tashkiloti (8 ta davlat azo. O'zbekiston, Qozog'iston, Pokiston, Turkmaniston, Tojikiston, Mongoliya, Afg'oniston va Qirg'iziston) milliy antidoping agentliklarini faoliyatini monitoring qilib kelmoqda.

Kuni kecha, Markaziy Osiyo mintaqaviy antidoping tashkilotlari (RADOCA) direktori Venera Abdulla mamlakatimizga tashrif buyurdi. Mazkur tashrifdan ko'zlangan maqsad O'zbekiston Milliy antidoping agentligi faoliyatini auditdan o'tkazish va ishini yanada yaxshilash hamda kelajakdagi rejalarni amalga oshirishda ko'maklashishdan iboratdir.

Tashrif davomida Agentlik faoliyati yuzasidan 2019-2021 yillar hisoboti tinglandi. Agentlikni 2022 yilga qo'yilgan rejalar haqida muloqot olib borildi. SHundan so'ng, avvalgi xatolarni takrorlamaslik va oldindagi rejalarni puxta va mukammal amalga oshirish bo'yicha ko'rsatmalar berildi.