Rahmatjon Ro'zioxunov "Elorda kubogi"da asosiy raqiblarimiz kim ekanligini aytdi

"Qozog'istondagi xalqaro "Elorda kubogi" musobaqasida 10 ta terma jamoa qatnashmoqda. Turnirga yaxshi raqiblar kelgan. Musobaqada bizdan tashqari mezbon Qozog'iston, shuningdek Kuba, Mo'g'uliston, Yaponiya, Hindiston, Turkmaniston, Tojikiston va Qirg'iziston terma jamoalari vakillari ishtirok etishmoqda. Barcha o'zining kuchli tarkibini olib kelgan. 

Mezbon Qozog'iston 4 ta tarkib bilan qatnashmoqda. Biz 10 nafar bokchi bilan 8 ta vazn toifasida bahslarda ishtirok etyapmiz. 

Musobaqaga tayyorgarlik Yangiobod o'quv bazasida, bosh murabbiy Marat Qurbonov boshchiligida bo'lib o'tdi. 

Mazkur turnir orqali bokschilarimizni yana bir bor sinovdan o'tkazib olmoqchimiz. Ochig'ini aytaman, asosiy kuchni ushbu turnirga sarflab qo'ymoqchi emasmiz, yigitlarimizi o'zlarining eng yuqori sport formasiga olib chiqmaganmiz. CHunki, oldinda Osiyo chempionati bor. Lekin hali musobaqa qaerda o'tkazilishi aniq emas. Qita birinchiligidan so'ng Toshkentda bo'ladigan jahon chempionatiga tayyorgarlikni boshlaymiz. 

Safimizda asosiy tarkibdan tashqari, 2 va 3-raqamli bokschilarimiz bor. Ushbu musobaqa orqali ularni sinovdan o'tkazib olishimiz lozim. Yana bir necha bokschimiz Moskvadagi musobaqada qatnashib kelishdi. 

Asosiy raqiblar? Bu erda barcha terma jamoalar kuchli. Asosiy raqib sifatida Qozog'istonni ko'rsatgan bo'lardim. Ular bizning yigitlarga qarshi katta tayyorgarlik bilan jangga chiqishmoqda. 

Bugun musobaqa doirasida 8 nafar bokschi yigitlarimiz jang qiladi", - dedi Rahmatjon Ro'zioxunov O'zbekiston boks federaciyasi matbuot xizmatiga bergan intervyusida.