Rahmatjon Ro'zioxunov Habibullaevning mag'lubiyatidan so'ng hakamlik haqida gapirdi

«Hakamlik masalasidan qo'rqib turgandik. Boshida hammasi yaxshi edi. Hakamlar Osiyodan umuman taklif qilinmagan. Janglar adolatli baholansin deb  hakamlarni faqat Evropadan, AQSHdan olib kelingan. Biz boshida juda maqtadik ularni, hammasi oqilona bo'layapti deb. Birinchi raundda 5:0 bo'lishi kerak edi, lekin 4:1 berishdi. Ikkinchi raundda shuni teskarisini qilishdi. Jangni buzib qo'ygan narsa referini xatosida bo'ldi - boshi tekkan vaziyatda boshi bilan tegdi deb hammaga ko'rsatishi kerak edi. Bu bahsda g'alaba qilishga To'rabek ham, biz ham ishongandik. Bu jang biz uchun final edi. CHunki licenziyani qo'lga kiritishimiz kerak edi. 2-raundda ham To'rabek 5:0 yutgandi, birinchi raunddan ko'ra ikkinchi raundda biz ustunlik qilgandik. Lekin hakamlar 4:1 xitoylikka berib, hisobni tenglashtirib qo'yishdi. Biz 2-raundda nima bo'lishini sezdik. Bu narsa 3-raundda Habibullaeni ruhiyatiga tasir qildi. 

Biz doim hamma narsaga tayyor bo'lishimiz shart. Oldinda Italiyadagi turnir turibdi. Licenziyalarni qo'lga kiritishni Tailandga qoldirmasdan, barchasini Italiyada hal qilib kelishimiz kerak», - dedi Ro'zioxunov To'rabekka nisbatan qilingan adolatsizlikdan so'ng.