Rasman. Bahodir Jalolov navbatdagi jangi sanasi va manzilini tasdiqladi (POSTER)

Hamyurtimiz avval kutilganidek, 5 aprel kuni Qozog'istonning Astana shahrida Top Rank tashkil etadigan boks oqshomida ringga ko'tariladi.

Boks oqshomida Jalolovga kim raqiblik qilishi haqida aniq malumotlar mavjud emas. Ammo ko'pchilik o'sha kuni Bahodirning qozog'istonlik Ivan Dichko bilan jang qilishini taxmin qilmoqda.

Eslatib o'tish joiz, Jalolov 7 fevral kuni Kanadaning Monreal shahrida o'tkazilgan prof boks oqshomi doirasida franciyalik Devid Spilmont bilan jang qilishi kerak edi. Ammo tashkilotchilar Bahodirning yuzidagi husnbuzar tufayli jangni bekor qilishgandi. SHundan keyin Jalolov ham, Spilmont ham tez orada boshqa manzilda jang o'tkazishga tayyor ekanliklarini bildirishgandi. 

5 aprel kuni "Barys Arena"da o'tkaziladigan turnirning markaziy jangida o'rta vazn toifasida IBF va WBO yo'nalishlari chempioni qozog'istonlik Janibek Alimxanuli (16-0, 11 KO) kelib chiqishi kongolik, hozirda Franciya sharafini himoya qilayotgan Anauel Ngamissenge (14-0, 9KO)ga qarshi ringga ko'tariladi.

SHuningdek, Astanadagi turnirda qozog'istonlik aka-uka Mahmud va Torexan Sabirxonlar professional boksdagi debyut janglarini o'tkazishadi. Hamyurtlarimizdan esa Bahodir Jalolovdan tashqari yarim engil vazn toifasida WBA kamari uchun sobiq davogar Otabek Xolmatov ishtirok etadi.