13 apr 13:15
Yangiliklar

Boks/MMA

Rasman: Botir Ahmedov WBA chempionlik kamari uchun davogarlik jangida ringga chiqadi, raqib va jang sanasi ham aniq

Teglar : Botir Ahmedov

Botir Ahmedovning navbatdagi jangi tafsilotlari malum bo'ldi.

Super engil vazn toifasida (63,5 kg) jang qiluvchi 32 yoshli o'zbekistonlik bokschi Botir Ahmedov (9-2) 13 may kuni Las-Vegasda joylashgan The Chelsea at the Cosmopolitan of Las Vegas arenasida tashkil etilayotgan boks oqshomida ringga ko'tariladi.

Ahmedovga o'sha kuni amerikalik 29 yoshli charm-qo'lqop ustasi Kennet Sims Junior (19-2-1) raqibliq qiladi. Jang super engil vazn toifasida WBA chempionlik kamariga majburiy davogarlik (Eliminator) maqomida o'tadi. Bokschilar o'rtasidagi to'qnashuv 12 raund etib belgilangan.

Qayd etish joiz, mazkur vaznda WBA chempionlik kamari ayni damda dominikanlik Alberto Puelloga tegishli bo'lib turibdi. Puello mazkur oqshomning markaziy jangida WBA kamarini ilk bor himoya qiladi, unga Rolando Romero raqibliq qiladi.

Eslatib o'tamiz, Botir Ahmedov 2022 yil 21 avgust kuni Floridada (AQSH) tashkil etilgan boks oqshomi doirasida WBA kamari uchun Alberto Puelloga qarshi ringga chiqib, ochkolar hisobiga (115:113, 111:117, 111:117) mag'lub bo'lgan edi.