07 iyu 07:22
Yangiliklar

Boks/MMA

Rasman. Entoni Joshuaning navbatdagi raqibi va jang sanasi elon qilindi + POSTER

12 avgust kuni Buyuk Britaniya poytaxti London shahridagi O2 Arena'da navbatdagi professional boks oqshomi tashkil etiladi.

Mazkur boks oqshomining markaziy jangida superog'ir vazn toifasida Buyuk Britaniya vakili Entoni Joshua (25-3-0) hamyurti Dillian Uaytga (29-3-0) qarshi ringga chiqadigan bo'ldi. Jang 12 raund etib belgilangan.

Bu Uayt uchun revansh jangi hisoblanadi. 2015 yili bo'lib o'tgan dastlabki to'qnashuvda Joshua muddatidan oldin g'alaba qozonishga muvaffaq bo'lgan edi.

Eslatib o'tamiz, Entoni Joshua so'nggi jangini 1 aprel kuni Jermeyn Franklinga qarshi o'tkazib, zafar quchgandi. Qizig'i, Uayt ham oxirgi jangini Franklinga qarshi o'tkazgan (2022 yilning 26 noyabrida) va zafar quchgan.