Rasman: IBF Jey Opetayyani chempionlik kamaridan mahrum qildi

U 8 mart kuni Dana Uayt Zuffa Boxing shousi doirasida o'tkazilgan Brendon Glentonga qarshi ruxsat etilmagan jangda ishtirok etgani uchun tashkilotning birinchi og'ir vazn toifasidagi chempionlik kamaridan mahrum etildi.

IBF Opetayyaning Glentonga qarshi ixtiyoriy himoyasiga qarshi sankciyasini bekor qildi, chunki ularning jangida Zuffa chempionlik kamari o'rtaga qo'yilgandi - bu tashkilot IBF tomonidan tan olinmagan.

Sankciya bekor qilingan vaqtda (jangdan 48 soatdan kamroq vaqt oldin) Opetayya chempionlik jangiga ruxsat berish uchun IBF’ga taxminan 80 ming dollar miqdorida badal to'lagan, biroq ertasi kuni bu pullar unga qaytarilgan.

IBF uni kamaridan mahrum qilmoqchi ekanligidan xabar topgan Opetayya Dana Uaytning advokatlari ko'magida IBF`ga qarshi sudga murojaat qildi, ammo bu tashkilotning poziciyasini o'zgartirishga yordam bermadi.

Avvalroq Dana Uayt IBF Opetayya - Glenton jangida ramziy emas, balki haqiqiy chempionlik sifatida elon qilingan Zuffa kamari o'ynalishini bilganini takidlagan edi. Biroq, bu davo haqiqatga to'g'ri kelishi dargumon, chunki Opetayyaning o'zi tan olishicha, u IBF kamariga janglar uchun amal qiladigan qoidaga muvofiq jang kuni qayta vazn o'lchashdan o'tgan, ammo birlashtiruvchi janglar uchun emas.