Rasman! Ikram Aliskerov va Said Nurmagomedovning janglari tasdiqlandi

Ikram Aliskerov va Said Nurmagomedov 1 fevral kuni Saudiya Arabistoni poytaxti Ar-Riyod shahrida o'tkaziladigan UFC Fight Night 250 turnirida o'zlarining navbatdagi janglarida oktagonga chiqishadi. Ikramning raqibi Andre Muniz bo'lsa, Said Vinisius de Oliveyra bilan hisob-kitob qiladi.

Eslatib o'tamiz, 22 iyun kuni o'tkazilgan UFC on ABC 6 turnirida Ikram Aliskerov o'rta vaznda sobiq UFC chempioni avstraliyalik Robert Uittakerga birinchi raundning o'zida nokaut evaziga yutqazgandi. O'shanda Aliskerov Xamzat CHimaevning o'rniga bir haftalik muddatda jangga tayyorgarliksiz rozi bo'lgandi.

O'z o'rnida Said Nurmagomedov o'zining so'nggi jangini 2023 yilning 21 oktyabr kuni UFC 294 turniri doirasida tojikistonlik Muin Gafurovga qarshi o'tkazib, birinchi raundda raqibini bo'g'ish usuli bilan taslim etgan edi.