Rasman: Isroil Madrimovning navbatdagi jang sanasi va raqibi malum + POSTER

Matchroom kompaniyasi super yarim o'rta vazn toifasidagi prof bokschimiz Isroil Madrimovning navbatdagi jang sanasi va raqibini elon qildi. Unga ko'ra, Madrimov 8 aprel kuni Texasda amerikalik Rafael Igbokvega qarshi ringga ko'tariladi. 

Malumot uchun 19 yoshli Igbokve faoliyati davomida 19 ta jang o'tkazgan va shularning 16 tasida (7 KO) g'alaba qozongan, 3 tasida (1 KO) mag'lub bo'lgan. So'nggi jangini 2021 yil sentyabr oyida ukrainalik Sergi Bohachukka qarshi o'tkazib mag'lubiyatga uchragan.

Madrimov esa so'nggi jangini 2022 yil iyul oyida franciyalik Mishel Soroga qarshi o'tkazgandi. O'shanda jangning 2-raundida Soro jarohat olgan va bahsda texnik durang qayd etilgandi.  

Eslatib o'tazmiz, markur oqshomda Murodjon Ahmadaliev o'z kamarlarini filippinlik Marlon Tapalesdan himoya qiladi. Kechaning markaziy jangida Jessi Rodriges va Kristian Ernandes eng engil vazn toifasida vakant bo'lib turgan WBO kamari uchun ringga ko'tariladi.