Rasman! Murodjon Ahmadalievning jang sanasi, manzili va raqibi malum + POSTER

CHarm qo'lqop ustamiz vaqtinchalik WBA kamari uchun jang o'tkazadi. Murodjon Ahmadaliev (12-1, 9 KO) 14 dekabr kuni Monte-Karlo shahrida Matchroom promouterlik kompaniyasi tomonidan tashkil etilayotgan prof boks oqshomining markaziy jangida ringga ko'tariladi. Jang birinchi yarimengil vaznda vaktinchalik WBA kamari uchun bo'lib o'tadi. 

SHu kuni 29 yoshli bokschimiz meksikalik 27 yoshli Rikardo Espinosa Franko (30-4, 25 KO)ga qarshi ringga chiqadi. Bu bokschi WBA reytingida 13-o'rinni egallab turibdi. Rikardo Espinosa Franko 2019 yilda engil vaznda vaqtinchalik WBO kamari uchun ham jang o'tkazgan edi. O'shanda u uch vazn toifasida jahon chempioni Jon Ril Kasimeroga 11-raundda nokaut bilan yutqazgandi. Jang to'xtatilguniga qadar hakamlar hisob-kitobiga ko'ra durang bo'lib turgan edi.