Rasman! Saul Alvaresning navbatdagi jangi tasdiqlandi + POSTER

Meksikalik mutlaq jahon chempioni Saul Kanelo Alvares birinchi o'rta vazn toifasida mutlaq jahon chempioni, amerikalik Jermell CHarloga qarshi ringga ko'tariladi. Jermall CHarlo Jermellning egizagi bo'lib, u o'rta vaznda WBC chempioni hisoblanadi. 

Aslida Alvares 16 sentyabr - Meksika Mustaqilligi kunida jang o'tkazar edi. Lekin bu safar 16 sentyabr kuni Las-Vegasdagi muhtasham T-Mobile arena UFC turniri uchun band qilingani bois, Kaneloning jangi 30 sentyabrga belgilandi.

Meksikalik 32 yoshli chempion yaqindagina taniqli promouter Eddi Xirn hamda DAZN striming platformasi bilan hamkorlikni to'xtatgandi. U o'zining sentyabr oyiga belgilangan jangini Showtime telekanali orqali elon qildi. 

Alvares aslida Jermall CHarloga qarshi jang o'tkazishi kerak edi. Ammo Jermall jarohati sabab ikki yildan beri ringga chiqmayapti. Boz ustiga rafiqasi bilan ajrashayotgan 33 yoshli CHarlo ajrim, sud jarayoni bilan o'ralashib qoldi. Uning egizagi Jermell esa o'tgan yilning may oyidan beri jang o'tkazmayapti. Dekabr oyida jarohat olgan CHarlo Kanelo bilan jang uchun ikkinchi o'rta vaznga ko'tarilishga rozilik berdi. 

Etiborga molik jihati shundaki, Alvares va CHarlo o'rtasidagi jang tarixiy ahamiyatga ega bo'ladi. SHu kungacha boks olami ikki vazn toifasida mutlaq jahon chempionlari o'rtasidagi jangga shohid bo'lmagandi. 

Fight Freaks Unite malumotiga ko'ra, Alvaresning raqibi o'zgarganiga qaramay, uning kafolatlangan 40 mln dollarlik gonorari o'z kuchida qoladi. Meksikalik Showtime va Premier Boxing Champions bilan 3 ta jang uchun shartnoma imzolagan. 

Kelishuvga ko'ra uning keyingi raqiblari Jermall CHarlo, Devid Benavides, Devid Morrell, Demetrius Andreyd va Errol Spens bo'ladi.  Yani, Kanelo nomlari zikr etilgan bokschilardan uch nafari bilan jang o'tkazadi.