08 mar 10:52
Yangiliklar

Boks/MMA

Rasman. UFC CHarlz Oliveyra - Beneil Dariush jangini tasdiqladi + POSTER

UFC promousheni tomonidan engil divizionning sobiq chempioni CHarlz Oliveyra hamda amerikalik Beneil Dariush o'rtasidagi jang rasman tasdiqlandi.

Ushbu qiziqarli jang 7 may kuni AQSHning Nevada shtati Las-Vegas shahrida tashkil etiladigan UFC 288 turniri doirasida bo'lib o'tadi. CHarlz Oliveyra o'tgan yilning 22 oktyabr kuni Abu-Dabida o'tkazilgan UFC 280 turnirining markaziy jangida Islam Maxachevga yutqazib qo'ygandi. Braziliyalik jangchi hisobida 33 g'alaba va 9 mag'lubiyat bor.

Beneil Dariush esa 8 ta jangdan iborat g'alabali seriya bilan bormoqda. U ham oxirgi jangini UFC 280 turniri doirasida o'tkazib, Mateush Gamrotni ochkolar hisobiga ko'ra mag'lubiyatga uchratgan edi. Dariush MMAda 22 g'alaba, 4 mag'lubiyat va 1 ta durang qayd etgan.