Richard Torres professional boksdagi 10-jangini o'tkazdi

Unda amerikalik bokschi, Tokio-2020 Olimpiya o'yinlari sovrindori Richard Torres ham ringga ko'tarildi. Unga hamyurti Brendon Mur raqiblik qildi. Jang beshinchi raundda yakunlandi. Torres raqibini og'ir zarbasi orqali nokdaun holatiga tushirdi, keyinroq esa referi jangni to'xtatdi. 

Bu orqali Torres prof boksdagi o'ninchi jangini ham muddatidan oldin g'alaba bilan yakunladi. Mur esa o'zining 15-jangida ilk bor mag'lubiyatini qabul qilib oldi.

Oqshomning markaziy jangida esa Denis Berinchik Emmanuel Navarreteni mag'lub etib, engil vaznda vakant bo'lib turgan WBO kamarini qo'lga kiritdi.

Eslatib o'tamiz, Bahodir Jalolov va Richard Torres havaskor boksda ikki bor to'qnash kelgan va har ikki jangda hamyurtimizning qo'li baland kelgan. Tokio-2020 Olimpiadasi finalida Jalolov Richard Torresni ochkolar hisobiga ko'ra mag'lubiyatga uchratgandi.