Rigadagi licenzion musobaqa sportchilarimiz uchun muvaffaqiyatli yakunlandi

Bellashuvlarning so'nggi kunida ham sportchilarimiz medallar shodasini qo'lga kiritdilar. 50 metrga brass usulida suzish bo'yicha Vladislav Mustafin birinchi o'rin egasiga aylandi. 100 metrga erkin usulda suzishda Xurshidjon Tursunov birinchi, Ahmadjon Umurov esa ikkinchi o'rinni qo'lga kiritdi. 4x100 estafetasining kompleks bahslarida Egor Bolotov, Vladislav Mustafin, Mirsaid Mirzoidov, Xurshidjon Tursunovlar oltin medal sohibi bo'lishdi.

SHu tariqa, yakuniga etgan turnirda O'zbekiston terma jamoasi azolari umumiy hisobda 12ta medal qo'lga kiritishdi. Qayd etib o'tish lozimki, ushbu musobaqa o'smirlar Olimpiya o'yinlari licenziyasi uchun ochkolar taqdim etuvchi musobaqa hisoblanadi. Turnir orqali hamyurtlarimiz o'zlari uchun muhim bo'lgan reyting ochkolarini ishlab oldilar.