Rio-2016. Rahmonov va Abdurahmonovning raqiblari malum

Bugun ikki kurashchimiz Olimpiada medallari uchun kurashga kirishadi. Aslida erkin kurash musobaqasida 4 nafar polvonimiz ishtirok etadi. Ulardan ikki nafari – Abbos Rahmonov va Bekzod Abdurahmonov aynan bugun o'z imkoniyatini sinovdan o'tkazadi.

Qura natijasiga ko'ra, 57 kg vazn toifasidagi hamyurtimiz 18 yoshli Abbos Rahmonov ilk davrada kubalik Yovlis Bonne Rodrigesga qarshi gilamga chiqadi. Rodriges Toshkentda o'tgan jahon chempionatining bronza medal sovrindori xisoblanadi.

Qura Bekzod Abdurahmonovga ham kuchli raqibni ro'baro' qildi. 74 kg vazn toifasida ishtirok etuvchi bu kurashchimiz rossiyalik Aniuar Geduev bilan to'qnash keladi. Geduev ikki karra Evropa chempioni, Bokuda o'tgan ilk Evropa o'yinlari g'olibi hamda 2015 yilgi jahon chempionatining bronza medal sohibidir.