Rio-2016. Rossiyalik suzuvchilarning doping-tahlili toza chiqdi

Bu haqida Xalqaro suzish federaciyasi xabar berdi. O'tgan yili Qozon shahrida suzish sport turlari bo'yicha o'tkazilgan jahon chempionatida ishtirok etgan rossiyalik sportchilardan qo'shimcha doping-tahlil olingandi.

Qozondagi jahon chempionatida Rossiya terma jamoasi 9ta oltin, 4ta kumush, shuncha bronza medalini qo'lga kiritgandi. Avvalroq, Xalqaro suzish federaciyasi 7 nafar rossiyalik sportchini chetlatgan edi. Ulardan Nikita Lobincev va Vladimir Morozovning diskvalifikaciyasi o'z kuchida qoldi.