"Rolan Garros". Elina Svitolina raqibasiga 4 ta geym berdi

Ukrainalik tennis malikasi katta tanaffusdan so'ng faoliyatini qayta tikladi va qisqa muddatda bitta WTA turnirida chempion bo'ldi hamda reytingda 1000 pog'onaga yuqorilab oldi. Elina ilk davrada dunyoning 24-raketkasi, italiyalik Martina Trevizandan 6/2, 6/2 hisobida ustun keldi.

Bu tennischilarning o'zaro o'tkazgan ilk uchrashuvi edi. Etmish ikki daqiqa davom etgan bahsda Svitolina 2 ta eys va 4 ta breykni amalga oshirdi, qo'shxatoga yo'l qo'ymadi. Endi Elina ikkinchi bosqichda avstraliyalik Storm Xanterga qarshi kortga chiqadi.