29 may 09:08
Yangiliklar

Tennis

"Rolan Garros". Iznerga 38 ta eys ham yordam bermadi

Eys zarbalar qiroli Jon Izner Franciya Ochiq chempionatining ilk davrasidayoq mag'lubiyat alamini totib ko'rdi.

ATP reytingida 89-pog'onada borayotgan amerikalik tennischi 2 daqiqasi kam 4 soat davom etgan uchrashuvda portugaliyalik Nunu Borgeshga 4/6, 7/5, 6/7(3), 6/4, 6/7(9) hisoblarida yutqazib qo'ydi. Bu tennischilarning o'zaro o'tkazgan ilk uchrashuvi edi.

Izner bahs davomida 38, dunyoning 76-raketkasi bo'lib turgan Borgesh esa 5 ta eys zarbasini amalga oshirgan. Portugaliyalikning ikkinchi davradagi raqibi ispaniyalik Bernabe Sapata Mirales hamda argentinalik Diego SHvarcman o'rtasidagi uchrashuvdan so'ng malum bo'ladi.