11 iyu 15:29
Yangiliklar

Tennis

"Rolan Garros". Juftlik turnirida g'oliblar aniqlandi

Parij shahrida yakuniga etib borayotgan "Katta Dubulg'a" turkumiga kiruvchi "Rolan Garros" turnirining erkaklar o'rtasidagi juftlik bahslarida g'oliblar malum bo'ldi.

Xorvatiyalik Ivan Dodig va amerikalik Ostin Kraychek "Rolan Garros" chempioniga aylanishdi. Ular hal qiluvchi final uchrashuvida belgiyaliklar - Sander Jill va Yoran Fligen hamkorligidan 6/3, 6/1 hisobida ustun kelishdi.

Sakson daqiqa davom etgan final bahsida Dodig/Kraychek ham, Jille/Fligen ham 2 tadan eys zarbani amalga oshirib, 2 tadan qo'shxatoga yo'l qo'yishdi. Breyklar 4 ga 0 ko'rinishida bo'ldi, tabiiyki, chempionlar foydasiga. Dodig va Kraychek "Rolan Garros"dagi muvaffaqiyatli ishtiroklaridan 2000 reyting ochkosi hamda 590,000 evro mukofot puliga ega bo'ldi.