01 iyu 13:31
Yangiliklar

Tennis

"Rolan Garros Junior-2023". Amir Milushevning saralashdagi ilk raqibi malum bo'ldi, o'yin bugun bo'ladi

Teglar : Amir Milushev

Bugun Franciya poytaxti Parijda yoshlar o'rtasidagi "Katta Dubulg'a" tasnifiga kiruvchi "Rolan Garros" turnirining saralash bahslari start oladi.

Avval xabar berganimizdek, mazkur turnirda o'zbekistonlik yosh tennischi — Amir Milushev ham ishtirok etadi. Milushev turnirdagi ishtirokini saralashning birinchi bosqichidan boshlaydi. Unga Janubiy Koreya vakili Ro Xoyong raqiblik qiladi. Qayd etish joiz, Xoyong saralash bosqichida oltinchi raqamli tennischi sifatida tasniflangan.

Amir Milushev hamda Ro Xoyong bahsi bugun 19:00 da boshlanishi belgilangan.

Malumot uchun, Amir ITF dunyo reytingida 87, Ro Xoyong esa 56-o'rinni egallab turibdi.

Mazkur bahs g'olibi saralash finalida franciyalik Feliks Balsho hamda AQSH vakili Kuper Voystendik juftligi g'olibiga qarshi kortga chiqadi.

Hamyurtimizga bugungi bahsda omad tilaymiz!