02 iyu 12:31
Yangiliklar

Tennis

"Rolan Garros". Svyontek chempionlik himoyasini davom ettiryapti

Franciya poytaxti Parij shahrida tennis bo'yicha "Katta Dubulg'a" turkumiga kiruvchi "Rolan Garros" turniri bo'lib o'tmoqda.

Sayyoramizning birinchi raqamli tennis malikasi Iga Svyontek ikkinchi davrada WTA reytingida 102-pog'onada borayotgan amerikalik Kler Liuni ortiqcha qiyinchiliksiz mag'lubiyatga uchratdi - 6/4, 6/0.

Tennischilarning o'zaro uchrashuvlaridagi hisob yiriklashdi - 3:0. Bir soatu 29 daqiqa davom etgan bahsda amaldagi "Rolan Garros" chempioni hisoblangan Svyontek 1 ta eys, 6 ta breykka erishib, 2 ta qo'shxatoga yo'l qo'ydi.

Polshalik tennischi 1/8 final chiptasi uchun Sin YU Vanga qarshi kortga chiqadi. Xitoylik tennischi ikkinchi bosqichda shveciyalik Rebekka Petersondan 7/6(5), 6/2 hisoblarida ustun keldi.