Rossiya karantinga solgan uch rus sportchisi Xarbin-2025 Osiyo o'yinlari uchun ro'yxatdan o'tkazildi

Konkida uchuvchi Danila Semerikov, short-trekchilar Denis Ayrapetyan va Daniil Eybog qishki Osiyo o'yinlarida O'zbekiston terma jamoasi safida ishtirok etishi mumkin. Ammo Rossiya tomoni bu sportchilarga O'zbekiston terma jamoasiga o'tishi oldidan ikki yillik karantin qo'ygan.

Hozircha bu sportchilarning musobaqada qatnashishi bo'yicha rasmiy xabar berilmagan, ammo ular O'zbekistonning kengaytirilgan ro'yxatidan o'rin olgan.

Rossiya konkichilar ittifoqi prezidenti Nikolay Gulyaev sport fuqaroligini o'zgartirganlarga qarshi karantin o'z kuchida ekanini takidladi:

"Karantinni qisqartirish bo'yicha qarorlar qabul qilinmadi. Bunday qaror ijroiya qo'mita yig'ilishida qabul qilinadi".