ROZKda "Navro'z"ga bag'ishlab o'tkazilgan tadbirda sport kurashlari bo'limi g'olib bo'ldi + FOTO

Unda kollej rahbariyati, o'qituvchi va murabbiylar, o'quvchilar ishtirok etdi. Bayram tadbirida kollejning har bir sport yo'nalishlari bo'yicha bo'limi bir nechta shart bo'yicha bahslashishdi.    

Xususan, osh tayyorlash bellashuvi ancha qiziqarli kechdi. Jamoalar jami 10 ta qozonda choyxona palov, bayram oshi, to'y oshi va zig'ir osh tayyorlandi. Hakamlar hayati aynan shu shart bo'yicha g'olibni aniqlashda qiynalishdi. Yakunda sport kurashlari bo'limi tomonidan tayyorlangan choyxona palov g'olib deb topildi. 

Bayram tadbiri yakunida barcha shartlar bo'yicha g'olib va sovrindorlar safidan joy olgan jamoalarni taqdirlash marosimi o'tkazildi. O'zbekiston Milliy olimpiya qo'mitasi bosh kotibi Oybek Kasimov, kollej direktori Murod Aliev, O'zbekiston og'ir atletika federaciyasi raisining birinchi o'rinbosari SHahrullo Mahmudov eng yaxshi deb topilganlarga faxriy yorliq hamda sovg'alarni topshirishdi.