Rublyov - Sinner bahsida ikkinchi finalchi aniqlandi

Dunyoning beshinchi raketkasi, rossiyalik Andrey Rublyov yarim final bahsida ATP reytingida o'zidan bir pog'ona yuqorida borayotgan italiyalik Yannik Sinnerga qarshi kortga chiqdi. Bir soatu 52 daqiqa davom etgan uchrashuvda Rublyov raqibiga 5/7, 6/7(5) hisobida yutqazib qo'ydi.

Tennischilarning o'zaro uchrashuvlarida italiyalik tennischi oldindan bormoqda - 4:2. Rublyov 4, Sinner esa 10 ta eys zarbasini amalga oshirgan. Qo'shxatolar Yannikda ikki barobar ko'proq bo'ldi - 4 ga 2. Breyklarda ham Sinner ustunlik qildi - 3 ga 2! Bugun u Vena turniri bosh sovrini uchun boshqa bir rus tennischisi Daniil Medvedevga qarshi kortga chiqadi.