Ruslan Abdullaev ham g'alaba qozonib, keyingi bosqichga yo'l oldi!

Toshkentda boks bo'yicha kattalar o'rtasidagi yigirma ikkinchi jahon chempionatining ikkinchi kuni davom etmoqda. Biroz avval - 63,5 kg vazn toifasida o'zbekistonlik bokschi — Ruslan Abdullaev saralash jangida puerto-rikolik Manuel Febusga qarshi ringga ko'tarildi. Jang to'liq 3 raund davom etdi va unda ortiqchi qiyinchiliksiz Ruslan Abdullaev g'alaba qozondi. Hamyurtimiz hakamlarning yakdil qarori bilan (5:0) keyingi bosqichga chiqdi.

Endilikda mazkur jang g'olibi 1/16 final bosqichida ispaniyalik Oer Konde Ibarrache hamda moldovalik Dmitri Galagot juftligi g'olibiga qarshi ringga chiqadi. Ayni damda mazkur jang start olmoqda.