Ruslan Abdullaev tajribali Ovannes Bachkovni musobaqadan chiqarib yubordi va jahon chempionati finaliga yo'l oldi!

Bugungi kun doirasida ettinchi o'zbek bokschisi ringga chiqdi. -63,5 kg vazn toifasidagi Ruslan Abdullaev final yo'lida armanistonlik tajribali Ovannes Bachkov raqiblik qildi. Jang to'liq 3 raund davom etdi va unda hakamlarning yakdil qarori bilan 5:0 hisobida Ruslan Abdullaev vaznning birinchi raqamli bokschisi ustidan g'alaba qozondi. Takidlash joiz, jang davomida yosh hamyurtimiz raqibini nokdaun holatiga ham tushirdi. 

Ushbu jang orqali Ruslan Abdullaev jahon chempionati finaliga yo'l olgan bo'lsa, Bachkov jahon chempionatining bronza medali hamda pul mukofotini qo'lga kiritdi.