17 iyu 07:43
Yangiliklar

Boks/MMA

Ruslan CHagaev Ngannu - Fyuri jangiga munosabat bildirdi

Superog'ir vazn toifasida sobiq jahon chempionimiz Ruslan CHagaev Tayson Fyuri hamda Frensis Ngannu o'rtasida kutilayotgan jang haqida gapirdi.

"Agar jang professional boks qoidalari asosida o'tkazilsa, Frensisda hech qanday imkon bo'lmaydi. Agar aralash yakkakurash jangi bo'lsa, u holda albatta Ngannu yutadi. Biroq, ular og'ir vazn toifasi vakillari va bu erda hamma narsa bo'lishi mumkin".

Eslatib o'tamiz, Tayson Fyuri va Frensis Ngannu jangi 28 oktyabr kuni Saudiya Arabistonida bo'lib o'tadi.

Malumot uchun, CHagaev havaskorlar o'rtasida ikki karra jahon chempioni hisoblanadi. Professional faoliyati davomida Ruslan 2007-2009 yillar oralig'ida WBA yo'nalishida jahon chempionligini hech kimga bermagan. Bundan tashqari, u 2014-2016 yillarda WBA Regular kamari sohibi bo'lgan.