Ruslan Mustaev O'zbekiston gimnastika federaciyasi raisi vazifasini bajaruvchi sifatida faoliyat olib boradi

Mazkur tadbirda federaciyaning rahbariyati va hujjatlarni yuritish masalalari, shuningdek, 2020 yil uchun mo'ljallangan sport tadbirlarining taqvim rejasi hamda federaciyaning faxriy tarkibini ko'rib chiqish kun tartibining asosiy masalalari bo'ldi. Unda Jismoniy tarbiya va sport vazirining birinchi o'rinbosari Oybek Kasimov, MOQ prezidenti maslahatchisi Nazirjon Xudoyqulov, O'zbekiston gimnastika federaciyasi raisining birinchi o'rinbosari Ruslan Mustaev va federaciya vakillari ishtirok etishdi. 

Konferenciya ishida federaciya direktori G.V. Izrailbekova so'zga chiqib, o'z faoliyati davomida O'zbekiston Respublikasi qonunchiligi, hukumat qarorlari, meyoriy hujjatlarga amal qilinishini takidladi. Bundan tashqari ijro intizomi hukumat topshiriqlarining o'z vaqtida yuqori darajada bajariladigan jihat ekaniga to'xtalib o'tildi. 

Tadbir davomida nafaqat O'zbekiston gimnastika federaciyasi, balki hududiy bo'linmalar faoliyatida ijro intizomiga so'zsiz rioya etish, belgilangan vazifalar va topshiriqlarni o'z vaqtida sifatli bajarish, joylarda qatiy tartib va intizomni taminlash zarurligiga etibor qaratildi. SHuningdek, federaciyaning hududiy bo'linmalar vakillari delegatlarni joylarda amalga oshirilgan ishlar, sport bazalarining texnik holati va jihozlanishi bilan tanishtirishdi.

Federaciya boshqaruvi 2018 yil mart oyidan beri O'zbekiston gimnastika federaciyasi birinchi vice-prezidenti Ruslan Bulatovich Mustaev qo'lida bo'lib turgandi. Bugungi konferenciyada O'GF azolari Ruslan Mustaevni federaciya raisi vazifasini bajaruvchi sifatida faoliyat olib borishini tasdiqlashdi.

SHundan so'ng konferenciya delegatlari tomonidan sportchilar va ularning murabbiylarini tuman, mintaqaviy va Respublika sport tadbirlaridagi ishtirokini legallashtirishga doir umumiy masalalar muhokama qilindi. 

Konferenciya yakunida federaciya faxriy azolariga sertifikatlar topshirildi.